विराटनगर । नेरुडे लघुवित्त वित्तीय संस्था लिमिटेडले सुनसरी जिल्लाको धरान उपमहानगरपालिका वडा ६ पानबारीमा रहेको सरस्वती मा.वि.का विद्यार्थी तथा सरोकारवालाहरुसँग वित्तीय साक्षरता तथा पङ्खा वितरण कार्यक्रम सम्पन्न गरेको छ । उक्त कार्यक्रममा प्रमुख कार्यकारी अधिकृत भोजराज बस्यालले विद्यालयलाई १० थान सिलिङ्ग पङ्खा हस्तान्तरण गरेका छन् ।
कार्यक्रममा शाखा कार्यालय धरानका शाखा प्रबन्धक सुमन भट्टराईले स्वागत मन्तव्य व्यक्त गरेका थिए भने योजना विभागका विभागीय प्रमुख कृष्ण बहादुर खड्काले संस्थागत परिचय साथै सामाजिक कार्यमा नेरुडेले खेलेको भूमिका तथा भावि कार्य योजनाका विषयमा चर्चा गरेका थिए । कार्यक्रम नेरुडेका प्रमुख कार्यकारी अधिकृत भोजराज बस्यालको अध्यक्षतामा,प्रमुख आतिथि धरान उपमहानगरपालिका वडा ६ का वडा अध्यक्ष भुपेन्द्र भट्टराई, विशेष अतिथि विद्यालय व्यवस्थापन समितिका अध्यक्ष रमेश कटुवाल, प्रधानाध्यपक गंगाप्रसाद धमला लगाएतको उपस्थितीमा भएको थियो ।
प्रमुख कार्यकारी अधिकृतले वित्तीय साक्षरता सम्बन्धीका विषयहरु कर्जा, बचत, रेमिट्यान्स, लघुउद्यम, बीमा र पारिवारिक बजेट सम्बन्धमा सहजिकरण गरेका थिए । त्यसैगरि विद्यालय व्यवस्थापन समितिका अध्यक्षले वित्तीय साक्षरता सगै प्रविधि साक्षरताको समेत आवश्यकता भएको बताए ।
कार्यक्रमका प्रमुख अतिथि भुपेन्द्र भट्टराईले नेरुडेले सामाजिक क्षेत्रमा गरेको कामको प्रशंसा गर्दै प्रगतिको कामना गरेका थिए ।यस किसिमको कार्यक्रमले विद्यार्थीहरुलाई व्यवहारिक ज्ञान प्राप्त भएको र आउदा दिनहरुमा नेरुडेसँग सहकार्य गरी कार्य गर्ने प्र.अ. गंगाप्रसाद धमलाले बताए ।
कार्यक्रममा बंगलादेशका प्रो.डा.मोहम्द युनुसले सुरु गरेका थ्रीजिरो कल्ब (जिरो कार्बन उत्र्सजन, जिरो गरिबी, जिरो बेरोजगारी) को अवधारणाका विषयमा नेरुडेका क्रेडिट प्लस कार्यक्रमका फोकल पर्सन राजु श्रेष्ठले जानकारी गराए ।
नेरुडेद्धारा वित्तीय साक्षरता तथा पङ्खा वितरण कार्यक्रम सम्पन्न
आर्थीकसंसार संवाददाता२२ साउन, २०७९
२२ साउन, २०७९- एन्जल लर्ड हाइ स्कुलको सांस्कृतिक तथा सर्वोत्कृष्ट विद्यार्थीहरुको सम्मान कार्यक्रम सम्पन्न
- कुमारी बैंकद्वारा देशभरका ५४ सय सहभागिलाई वित्तीय साक्षरता प्रदान
- आगामी आर्थिक वर्षको बजेटको सिलिङ बढे पनि ५७ अर्ब बजेट घटेको छ : उपाध्यक्ष श्रेष्ठ
- प्रभु बैंकले बागलुङ नगरका छोरीहरूको खाता खोल्ने, पालिकाले ५ हजार जम्मा गर्ने
- ग्लोबल आइएमई बैंक र अलोइबीच ग्रिन फाइनान्सिङ प्रवर्द्धनका लागि समझदारी
- गोर्खाज फाइनान्सको ६२ हजार कित्ता शेयर बिक्रीमा, प्रतिकित्ता रु. १५०
- सिटिजन्स बैंकले संचालन गर्यो निःशुल्क स्वास्थ्य शिविर
- स्वस्तिक लघुवित्तले सञ्चालन गर्यो निःशूल्क स्वास्थ्य शिविर
- दावी भुक्तानी लिन बाँकी बीमितलाई सम्पर्कमा आउन सिद्धार्थ प्रिमियर इन्स्योरेन्सको आग्रह
- रिलायबल नेपाल लाइफद्वारा दुई परिवारलाई मृत्यु दाबी वापतको रकम हस्तान्तरण