News Portal

  • सिटिजन्स बैंकले स्क्यान एण्ड वथड्र सेवाको सुरुवात

    आर्थिकसंसार डटकम३० भदौ, २०७७
    २८० पटक
    ३० भदौ, २०७७

    काठमाडौं । सिटिजन्स बैंक इन्टरनेसनलले स्क्यान एण्ड विथड्र सेवाको सुरुवात गरेको छ । यस विषम परिस्थितिमा ग्राहकको वित्तीय आवश्यकताहरु सुरक्षित तवरले प्रदान गर्ने उद्देश्यका साथ बैंकले उक्त सेवा सुरुवात गरेको जनाएको छ ।
    स्क्यान एण्ड विथड्रमार्फत ग्राहकहरुले चेकको प्रयोग नगरी आफ्नो मोबाइल बैंकिङ्ग एपमा लग–ईन गरेर काउन्टरमा भएको क्यूआर कोड स्क्यान गरी खाताबाट रकम झिक्न सकिने बैंकले जनाएको छ ।
    बैंकले हाल यो सेवा काठमाडौं उपत्यकाका दरबारमार्ग र कमलादी शाखाबाट सुरु गरेको र निकट भविष्यमा यस सेवालाई विस्तार गर्दै लैजाने बैंकका प्रमुख कार्यकारी अधिकृत गणेशराज पोखरेलले बताएका छन् ।
    नयाँ प्रविधिलाई आत्मसाथ गर्नुका साथसाथै बैंकमा कार्यरत कर्मचारी र आदरणीय ग्राहकवर्गको स्वास्थ्य र सुरक्षालाई उच्च प्राथमिकतामा राखी वित्तीय सेवाहरु प्रदान गर्ने उद्देश्यका साथ स्क्यान एण्ड विथड्र सेवा प्रयोगमा ल्याइएको हो ।

    प्रतिकृया दिनुहोस्