News Portal

  • सिद्धार्थ बैंकद्वारा ग्रीन पिन बैंकिङ सेवा सुरु

    आर्थीकसंसार संवाददाता१६ भदौ, २०७७
    ३५१ पटक
    १६ भदौ, २०७७

    काठमाडौं । सिद्धार्थ बैंकले ग्रीन पिन बैंकिङ सेवा सुरु गरेको छ । बैंकले भाद्र १५ गतेदेखि बैंकिङ्ग सेवा अझ बढी प्रभावकारी एवम् वातावरण मैत्री बनाउने उद्देश्यले कार्डको पिन कोड प्राप्त गर्नका लागि ग्रीन पिन सेवा सुचारु गरेकोे जनाएको छ ।
    यस सुविधा सञ्चालनपश्चात बैंकका ग्राहकहरुले डेबिट र क्रेडिट कार्डको ग्रीन पिन सोझै आफ्नो मोबाईल नम्बरमा प्राप्त गरी कार्डको पिन निर्धारण गर्न सक्ने बैंकद्वारा जारी विज्ञप्तिमा उल्लेख गरेको छ ।
    बैंकका अनुसार ग्राहकहरुले आफ्नो नयाँ कार्डको पिन बैंकको कुनै पनि एटिएम वा नेप्स सदस्य रहेका केही बैंकहरुको एटिएमबाट निर्धारण गर्न सक्ने छन् । यसरी पिन निर्धारण गर्न एटिएममा कार्ड राखेपछि ग्राहकहरुलाई बैंकमा रजिष्टर्ड आफ्नो मोबाईल नम्बरमा एसएमएसमार्फत ग्रीन पिन आउने र प्राप्त ग्रीन पिन ग्राहकहरुले एटिएममा राखी आफ्नो नयाँ पिन नम्बर निर्धारण गर्न सक्ने बैंकले जनाएको छ ।
    पिन परिवर्तन भएपछि, कार्ड सक्रिय हुने र यस पश्चात ग्राहकहरुले आफ्नो कार्ड एटिएम, पीओएस मेसिन तथा अनलाईन कारोबारमा सजिलै प्रयोग गर्न सक्नुका साथसाथै अन्य बैंकका एटिएमहरुमा पनि बिना कुनै अतिरिक्त शुल्क प्रयोग गर्न सक्ने बैंकले जनाएको छ । यस सुविधाले ग्राहकलाई सहज सेवा उपलब्ध हुने, कार्ड वितरण र सक्रिय प्रक्रियामा लाग्ने समयको बचत हुने र केहि हद सम्म भए पनि कागजको प्रयोग कम गरी वातावरण मैत्री बैंकिङ्ग सेवा उपलब्ध हुने विश्वास बैंकले बताएकोे छ ।

    प्रतिकृया दिनुहोस्