काठमाडौं । मुक्तिनाथ विकास बैंकले आफ्ना भिसा डेबिट कार्डवाहक तथा मोबाइल बैंकिङ ग्राहकलाई थप सेवा दिन काठमाडौंमा सञ्चालित अनलाइन सपिङ बजेट पसल डटकमसँग व्यावसायिक सम्झौता गरेको छ ।
बजेटपसल डटकममा केही क्लिकबाटै सजिलै खाद्यवस्तु, मोबाइल, ल्यापटप तथा अन्य विद्युतीय सामग्री, घरेलु सरसफाइ, सुन्दरताका वस्तुलगायत अनलाइन खरिद गर्न सकिनेछ । बैंकका अनुसार यो सेवा होम डेलिभरीको रहेको हुँदा व्यस्त र कोरोनाको समयमा उपयुक्त हुने बैंकको विश्वास छ ।
सम्झौताअनुसार बैंकका भिसा डेबिट कार्डवाहक तथा मोबाइल बैंकिङका ग्राहकले बजेट पसलबाट ३,००० भन्दा बढीको सामान अनलाइन खरिद र भुक्तानी गर्दा ५ प्रतिशतसम्म छुट पाउनेछन् ।
डिजिटल कारोबारलार्ई प्रोत्साहन गर्न बैंकको एटीएम प्रयोग गरी नेपालभरि रहेका भिसा नेटवर्कमा आबद्ध अन्यजुनसुकै बैंकको एटीएमबाट निःशुल्क रकम झिक्न सकिने व्यवस्था गरेको छ ।