२६ मंसिर, २०७८काठमाडौं । प्रभु इन्स्योरेन्सको कृषि तथा पशुपन्छी बीमा क्षति मूल्याङ्कनकर्ताको तालिम सम्पन्न भएको छ । कम्पनीले कृषि तथा पशुपन्छी बीमा निर्देशिका, २०७७ मा व्यवस्था भएबमोजिम आफ्नो कार्य क्षेत्र तोकिएका सम्पूर्ण जिल्लाहरुमा तालिम सम्पन्न गरेको हो ।
कृषि तथा पशुपन्छी बीमा निर्देशिका, २०७७ बमोजिम बीमा समितिका प्रतिनिधिको पर्यवेक्षण तथा प्रशिक्षणमा सञ्चालित तालिममा बिभिन्न कृषि तथा पशुपन्छी विज्ञहरुले प्रशिक्षण प्रदान गरेका थिए ।
कम्पनीको कार्य क्षेत्र तोकिएका जिल्लाहरु मुस्ताङ्ग, म्याग्दी, बागलुङ्ग र स्याङ्गजामध्ये कम्पनीले मुस्ताङ्ग, म्याग्दी र बागलुङ्गमा कात्तिक महिनामै तालिम सम्पन्न गरिसकेको थियो ।
कम्पनीले मंसिर २२ गते देखि २४ गतेसम्म स्याङ्गजामा सञ्चालन गरेको तालिममा ५० जना भन्दा बढी क्षति मूल्याङ्कनकर्ता तयार भएकाले आगामी दिनमा कृषि तथा पशुपन्छी बीमाको क्षति मूल्याङ्कन तथा दावी भुक्तानीमा सहज हुने बताए ।
