आर्थीकसंसार संवाददाता१५ कार्तिक, २०७९
१५ कार्तिक, २०७९काठमाडौं । नेपाल लाइफ इन्स्योरेन्सले व्यतीत बीमालेखको पुनर्जागरण गर्दा लाग्ने विलम्ब शुल्कमा छुट प्रदान गर्ने भएको छ । कम्पनीले २०७७ कार्तिक १५ गते देखि २०७९ कार्तिक १४ गते भित्र व्यतीत भएका सम्पुर्ण बीमालेखहरुमा नविकरण शुल्कमा लाग्ने जरिवानामा छुट प्रदान गर्ने भएको हो ।
उक्त अवधी भित्र व्यतीत भएका बीमालेखहरुमा २०७९ कार्तिक १५ गते देखि २४ गते सम्म नविकरण शुल्क भुक्तानी गरी सुचारु गरेका बीमालेख नविकरण गर्दा लाग्ने विलम्ब शुल्कमा ३५ प्रतिशत सम्म छुट प्रदान गर्ने कम्पनीले जनाएको छ ।
२ वर्ष भन्दा बढी समयदेखि व्यतीत भएका बीमालेखहरुको हकमा भने यो सुविधा लागू नहुने कम्पनीले जनाएको छ । बीमालेख समबन्धी निर्देशिका २०७८ जारी भए पश्चात एक पटक छुट लिइसकेका बीमितहरुलाई पुरा बीमा अवधीभरी पुनः छुट नपाइने कम्पनीले जनाएको छ ।
