काठमाडौं । बैंक अफ काठमाण्डूले बिओके एनआरएन निक्षेप खाता सार्वजनिक गरेको छ । विश्वभरि रहेका गैरआवासीय नेपालीहरुको लागि बैंकिङ्ग सेवा तथा सुविधाहरु प्रदान गर्ने बैंकले सो निक्षेप खाता सार्वजनिक गरेको जनाएको छ ।
विदेशमा बसी आफ्नो परिश्रम गरी आयआर्जन गरिरहनुभएका ग्राहक महानुभावहरुलाई आफ्नो मातृभूमिमा रहेको यस बैंकमा खाता खोली उच्चतम प्रतिफल लिनुहुन बैंकले अनुरोध गरेको छ ।
गैरआवासीय नेपालीहरुले यस बैंकमा युएसडी, इयुआर, जिबिपि, एयुडी, सिएडी तथा जिपिवाइ मुद्राहरुमा बैंक खाता खोल्न सक्नेछन् । यस बैंकमा एनआरएन निक्षेप खाता खोल्दा गैरआवासीय नेपाली महानुभावहरुले अधिकतम ५.५% सम्मको वार्षिक ब्याजदर पाउनेछन् ।
हालसम्म बैंक अफ काठमाण्डूले ९४ शाखा कार्यालयहरु, ८४ एटिएम र १० एक्स्टेन्सन काउन्टरबाट आफ्ना ग्राहक महानुभावहरुलाई उत्कृष्ट बैंकिङ्ग सुविधा प्रदान गर्दै आईरहेको छ ।