काठमाडौं । प्रभु बैंकले आफ्नो विप्रेशणको दायरा विस्तार गर्ने सिलसिलामा, प्रभु बैंक लिमिटेड र Forex Sport Pty Ltd, अष्ट्रेलियाबीच रेमिट्यान्स सेवासम्बन्धी सम्झौता गरेको छ । अष्ट्रेलियामा बसोवास गरिरहेका नेपालीहरुले अब Forex Sport Pty Ltd, मार्र्फत नेपालमा रहेका आफन्त तथा इष्टमित्रहरुलाई नेपालभरी रहेका प्रभु बैंकका २१४ वटा शाखाहरु तथा प्रभु रेमिट्यान्सका १६,००० भन्दा बढी एजेन्टहरुबाट सहजै भुक्तानी पाउन सक्नुहुनेछ साथै यो सेवा प्रभु बैंकको खातामा मात्रै सिमित नभई देशका अन्य बैंक तथा वित्तीय संस्थाहरुको खातामा समेत तुरुन्तै रकम जम्मा गर्न सकिने व्यवस्था मिलाइएको छ ।
यस सम्झौताले विशेषगरी विदेशमा रहनुभएका नेपालीहरुले गुणस्तरीय रेमिट्यान्स तथा बैंकिङ्ग सेवा प्राप्त गर्नुहुनेछ भन्ने विश्वास बैंकले लिएको छ ।
हाल बैंकले देशभर २१४ वटा शाखा कार्यालयहरु, ५८ भन्दा बढी एक्टेन्शन काउन्टर र १८९ वटा एटीएमबाट १५,००,००० भन्दा बढी ग्राहकहरुलाई सेवा दिइरहेको छ ।