आर्थीकसंसार संवाददाता२२ पुष, २०८०
२२ पुष, २०८०काठमाडौं । मनकामना स्मार्ट लघुवित्त वित्तीय संस्थाले आउँदो चैत मसान्तसम्म आफ्नो वार्षिक साधारणसभा गर्नका लागि समयावधि थप गरिदिन आग्रह गरेको छ।
संस्थाले नेपाल धितोपत्र बोर्डलाई आज (पुस २२ गते) पत्र पठाउँदै वार्षिक साधारणसभा गर्नका लागि समयावधि थप गरिदिन आग्रह गरेको हो। संस्थाले काभ्रेको बनेपास्थित समता घरेलु लघुवित्तसँग गाभिने प्रक्रियामा रहेकाले आर्थिक वर्ष २०७९/८० को वित्तीय विवरणहरु पारित गर्न साधारणसभा बोलाउन केही ढिलाइ भएको जनाएको छ। अब ढिलोमा चैत मसान्तसम्म वार्षिक साधारणसभा सक्ने संस्थाले जनाएको छ।