काठमाडौं । नेपाल बीमा प्राधिकरणले बीमा सचेतना कार्यक्रम अन्तर्गत कपिलवस्तु जील्लाको कपिलवस्तु नगरपालिकामा अन्तरक्रिया तथा छलफल कार्यक्रम सम्पन्न गरेको छ । प्राधिकरणका उप निर्देशक बिरोध भट्टको अध्यक्षतामा उक्त कार्यक्रम सम्पन्न भएको हो ।
प्राधिकरणका उपनिर्देशब भट्टले सहभागिहरुबाट आएको प्रश्नलाई समेट्दै आफ्नो मन्तव्य राखेका थिए । साथै बीमा सचेतनाका लागि प्राधिकरणले निरन्तर कार्यक्रम गर्ने, सबै क्षेत्रका बासिन्दालाई बीमाको पहुँचमा ल्याउने प्रतिवद्धता व्यक्त गरे । नगर प्रमुख पौडेलले स्वास्थ्य बीमामा दिदै आएको ५० प्रतिशत अनुदान प्रदान गर्दै आएको बताए । साथै कृषि, पशु तथा घर बीमालाई पनि जोड दिँदै आएको उनको भनाई छ । यसका लागि नेपाल बीमा प्राधिकरणसँग समन्वयन गरि अघि बढ्ने समेत उनले बताए । निप्सका अध्यक्ष नेपालले बीमा कम्पनीहरुसँग समन्वयन गर्दै बीमा सचेतना कार्यक्रम बढाउँदै जाने बताए ।