काठमाडौं । मुक्तिनाथ विकास बैंकको एक अर्ब २५ करोड रुपैयाँ बराबरको ऋणपत्र निष्काशन तथा बिक्री खुला भएको छ । बैंकले आज (साउन ७ गते) देखि ७ वर्षे ‘८.७५ प्रतिशत मुक्तिनाथ डिबेञ्चररऋणपत्र’ नामक ऋणपत्रको बिक्री खुला गरेको हो ।
बैंकले प्रतिकित्ता १ हजार रुपैयाँ अंकित मूल्यको १२ लाख ५० हजार कित्ता ऋणपत्र जारी गरेको हो । जसमा वार्षिक ८.७५ प्रतिशत ब्याज पाइने छ ।
निष्काशित ऋणपत्रमध्ये ७५ करोड रुपैयाँ बराबरको ७ लाख ५० हजार कित्ता व्यक्तिगत तवरबाट र ५० करोड रुपैयाँ बराबरको ५ लाख कित्ता ऋणपत्र सर्वसाधारणलाई बिक्री गरिने छ । सर्वसाधारणलाई बिक्री गरिनेमध्ये ५ प्रतिशत अर्थात २५ हजार कित्ता सामुहिक लगानी कोषका लागि छुट्टयाई जसमध्ये १ हजार ५०० कित्ता ऋणपत्र बाँडफाँड पनि भइसकेको बैंकले जनाएको छ । सो ऋणपत्र खरिदका लागि इच्छुकले छिटोमा साउन ११ गतेसम्म आवेदन दिनु पर्नेछ । सो अवधिसम्ममा पूर्ण आवेदन नपरेमा निष्काशन अवधि साउन २१ गतेसम्म निष्काशन तथा बिक्री खुला गर्ने छ ।
विकास बैंकको ऋणपत्र निष्काशन तथा बिक्री प्रबन्धकमा सानिमा क्यापिटल रहेको छ । यससँगै लगानीकर्ताले सी आस्वा सदस्य बैंक तथा वित्तीय संस्था र तिनका शाखा कार्यालयबाट न्युनतम २५ कित्तादेखि अधिकतम ५ लाख कित्तासम्मका लागि आवेदन दिन सक्नेछन् ।