काठमाडौं । माछापुच्छ्रे बैंकको मुनाफामा कोरोनाको असरलगायतका कारणबाट भारी गिरावट आएको छ । बैंकको मुनाफा अघिल्लो आर्थिक वर्षको तुलनामा २५ प्रतिशत गिरावट आएको छ । गत वर्षको अपरिस्कृत वित्तीय विवरणअनुसार बैंकको मुनाफा अघिल्लो आवको तुलनामा ४० करोड रुपैयाँले घटेर एक अर्ब २५ करोडमा सीमित भएको छ ।
बैंकको प्रोभिजन ११ करोडबाट बढेर ६० करोड पुगेको छ । अन्तिम त्रैमासमा मात्रै बैंकको प्रोभिजन ३५ करोड ७६ लाख रुपैयाँ छ । बैंकमा कोरोनाको प्रत्यक्ष असर परेको देखिएको छ । समीक्षा अवधिमा बैंकले ३ अर्ब ८६ करोड रुपैयाँ खुद ब्याज आम्दान गरेको छ जुन गत वर्षको तुलनामा ३२ करोड रुपैयाँले धेरै हो । त्यस्तै बैंकले सेवा क्षेत्रबाट प्राप्त आम्दानी समेत उल्लेख्य बृद्धि भएको छ ।
माछापुच्छ्रे बैंकको निक्षेप संकलन गत आवमा ८५ अर्ब १९ करोड रुपैयाँ थियो । गत वर्ष बढेर १ खर्ब ४ अर्ब ९ करोड रुपैयाँ पुगेको छ भने कर्जा लगानी ७५ अर्ब ९ करोड रुपैयाँबाट बढेर ९२ अर्ब ३३ करोड रुपैयाँ पुगेको छ । बैंकको जगेडा कोष २ अर्ब १४ करोड रुपैयाँ छ । कोष पनि बृद्धि भएको हो । बैंकको प्रति शेयर आम्दानी २० रुपैयाँ ६ पैसाबाट घटेर १४ रुपैयाँ ८० पैसामा झरेको छ भने प्रतिशेयर नेटवर्थ १३६ रुपैयाँ ८० पैसा र मूल्य आम्दानी अनुपात १४.८६ गुणा छ ।
बैंकको वितरणयोग्य मुनाफासमेत घटेको छ । वित्तीय विवरणअनुसार बैंकको वितरणयोग्य नाफा ९० करोड ८२ लाख रुपैयाँ छ । बैंकको खराब कर्जा अनुपात ०.५४ प्रतिशत, ब्याज आधार दर ९.२१ प्रतिशत, स्प्रेड दर ४.३६ प्रतिशत, सिसिडि रेशियो ७३.८१ प्रतिशत, पुँजीकोष अनुपात १३ प्रतिशत र कोषको लागत ६.७१ प्रतिशत छ ।
माछापुच्छ्रे बैंकको मुनाफामा भारी गिरावट
आर्थीकसंसार संवाददाता३० साउन, २०७७
३० साउन, २०७७- एन्जल लर्ड हाइ स्कुलको सांस्कृतिक तथा सर्वोत्कृष्ट विद्यार्थीहरुको सम्मान कार्यक्रम सम्पन्न
- कुमारी बैंकद्वारा देशभरका ५४ सय सहभागिलाई वित्तीय साक्षरता प्रदान
- प्रभु बैंकले बागलुङ नगरका छोरीहरूको खाता खोल्ने, पालिकाले ५ हजार जम्मा गर्ने
- स्वस्तिक लघुवित्तले सञ्चालन गर्यो निःशूल्क स्वास्थ्य शिविर
- सिटिजन्स बैंकले संचालन गर्यो निःशुल्क स्वास्थ्य शिविर
- आगामी आर्थिक वर्षको बजेटको सिलिङ बढे पनि ५७ अर्ब बजेट घटेको छ : उपाध्यक्ष श्रेष्ठ
- ग्लोबल आइएमई बैंक र अलोइबीच ग्रिन फाइनान्सिङ प्रवर्द्धनका लागि समझदारी
- रिलायबल नेपाल लाइफद्वारा दुई परिवारलाई मृत्यु दाबी वापतको रकम हस्तान्तरण
- गोर्खाज फाइनान्सको ६२ हजार कित्ता शेयर बिक्रीमा, प्रतिकित्ता रु. १५०
- दावी भुक्तानी लिन बाँकी बीमितलाई सम्पर्कमा आउन सिद्धार्थ प्रिमियर इन्स्योरेन्सको आग्रह