काठमाडौं । कुमारी बैंकको प्रस्तावित लाभांश पारित भएको छ । आज सोमबार सम्पन्न बैंकको २०औं वार्षिक साधारणसभाले सञ्चालक समितिको प्रस्तावित १४ प्रतिशत लाभांशलाई पारित गरेको हो ।
साधारणसभाले सेयरधनीहरुलाई आर्थिक वर्ष २०७६/०७७ को लागि १०.८५ प्रतिशत बोनस सेयर तथा ३.१५ प्रतिशत नगद गरी १४ प्रतिशत लाभांश वितरण गर्ने प्रस्ताव पारित गरेको हो । सो बोनस सेयर जारीपश्चात कुमारी बैंकको चुक्ता पुँजी १३ अर्ब ८७ करोड रुपैयाँ पुगेको छ ।
बैंकको २०औं वार्षिक साधारणसभा बैंकका अध्यक्ष अमिरप्रताप जबरा राणाको अध्यक्षतामा रजिष्टर्ड कार्यालय, टंगाल, काठमाडौंमा सम्पन्न भएको छ । कोरोनाको उच्च जोखिमलाई मध्यनजर गर्दै, बैंकले अनलाइन प्लाट्फोर्म जूममार्फत सेयरधनीको धारणा समावेश गरेको थियो ।
सभाले लेखापरीक्षकको प्रतिवेदनसहितको आव २०७६/०७७ को आर्थिक विवरण, वासलात, नाफा नोक्सान हिसाब र सोही अवधिको नगद प्रवाह विवरण, नाफा नोक्सान बाँडफाँट हिसाब, पुँजीमा भएको परिवर्तनलगायत वार्षिक प्रतिवेदन माथि छलफल गरी पारित गरेको छ ।
आर्थिक वर्ष २०७६/०७७ को असार मसान्तसम्म बैंकले कुल निक्षेप १२४ अर्ब २२ करोड रुपैयाँ परिचालन तथा कुल कर्जा रकम ११५ अर्ब १३ करोड रुपैयाँ प्रवाह गरी सञ्चालन मुनाफा २ अर्ब १४ करोड रुपैयाँ तथा १ अर्ब १५ करोड रुपैयाँ खुद मुनाफा आर्जन गर्न सफल भएको छ । आर्थिक वर्ष २०७७/०७८ असोज मसान्तसम्म बैंकको कुल निक्षेप १२२ अर्ब २९ करोड रुपैयाँ तथा कुल कर्जा रकम ११५ अर्ब १९ करोड रुपैयाँ गरी ८६ करोड रुपैयाँको सञ्चालन मुनाफा र ६० करोड २५ लाख रुपैयाँको खुद मुनाफा आर्जन गर्न सफल भएको बैंकले जनाएको छ ।
हाल बैंकले काठमाडौं उपत्यका भित्र र बाहिर गरी १८६ शाखा सञ्जाल, १५० एटीएम, १३ एक्स्टेन्सन काउन्टरका साथै २२ वटा शाखारहित बैंकिङ्क इकाईमार्फत देशभरी आफ्ना सेवा प्रदान गर्दै आएको छ ।
कुमारी बैंकको चुक्ता पुँजी १४ अर्ब नजिक
आर्थीकसंसार संवाददाता२९ मंसिर, २०७७
२९ मंसिर, २०७७- क्रेष्ट माइक्रो लाइफले आईपीओ निष्काशन गर्ने, बिक्री प्रबन्धकमा एनआईएमबी एस क्यापिटल
- गुहेश्वरी मर्चेण्ट बैंकिङ्ग एण्ड फाइनान्सले सुरु गर्यो क्यूआर टेलर
- कोशी प्रदेशस्थित जीवन बीमकका कर्मचारीलाई बीमा सम्बन्धी एक दिने तालिम प्रदान
- एभरेष्ट बैंकद्वारा पकडी कपिलवस्तुमा चौथो एक्स्टेन्सन काउन्टर उद्घाटन
- प्रभु बैंकमा दुई सञ्चालक नियुक्त
- बीमा दाबी भुक्तानी छिटोछरितो बनाउनुपर्ने
- लुम्बिनी विकास बैंकले नेपाल रेडक्रस सोसाइटीलाई दियो प्रयोगशाला उपकरण
- आइएमई ग्रुपले इन्डोनेसियाको पिटी पिएलएन नुसन्तरासँग ऊर्जा परियोजना विकासमा साझेदारी गर्ने
- जीवन बीमाका लागि अभिकर्ता घरदैलो धाएपनि कृषि बीमाका लागि अभिकर्ता भेट्न मुश्किल भएको गुनासो
- हिमालयन लघुवित्तको नाफा ७३ प्रतिशतले बढ्यो, प्रतिशेयर आम्दानी कति ?