काठमाडौं । आरएसडिसी लघुवित्तले गत आर्थिक वर्ष २०७९/८० को चौथो त्रैमासको वित्तीय विवरण सार्वजनिक गरेको छ। सार्वजनिक गरिएको वित्तीय विवरण अनुसार कम्पनीको नाफा ५ दशमलव ७१ प्रतिशतले वृद्धि भएको छ । आर्थिक वर्ष ७८/७९ मा १० करोड ५६ लाख नाफा कमाएको कम्पनीले आर्थिक वर्ष  २०७९/८० को चौथो त्रैमाससम्ममा ११ करोड १६ लाख खुद नाफा कमाएको छ । कम्पनीको खुद ब्याज आम्दानी १९ दशमलव २१ प्रतिशतले वृद्धि हुँदै २८ करोड ४९ लाख पुगेको छ ।
गत आर्थिक वर्षको चौथो त्रैमाससम्म कम्पनीको वितरणयोग्य ८ करोड ८ लाख रहेको छ।  यसको आधारमा आर्थिक वर्ष ७९/८०को वितरणयोग्य नाफाबाट कम्पनीको लाभांश दिने क्षमता ९ दशमलव २९ प्रतिशत रहेको छ ।
८६ करोड ९५ लाख चुक्ता पूँजी भएको कम्पनीको जगेडामा ११ करोड ५५ लाख र रिटेण्ड अर्निङ्ग्समा ८ करोड ८४ लाख रहेको छ ।
प्रकाशित विवरण अनुसार कम्पनीको प्रति शेयर आम्दानी १२ रुपैयाँ ८४ पैसा र प्रति शेयर नेट्वर्थ  १२३ रुपैयाँ ४६ पैसा छ ।