आर्थीकसंसार संवाददाता१८ जेठ, २०८०
![](https://aarthiksansar.com/wp-content/themes/aarthiksansar/images/1px.gif)
काठमाडौं । नेपाल स्टक एक्सचेञ्जमा आइजीआई प्रुडेन्सियल इन्स्योरेन्स लिमिटेडको शेयर सूचिकृत भएको छ । साविक आइएमई जनरल इन्स्योरेन्स र प्रुडेन्सियल इन्स्योरेन्स एक आपसमा गाभिई एकीकृत कारोबार भएपछि ‘आइजीआई प्रुडेन्सियल इन्स्योरेन्स’को नामबाट ‘ शेयर सूचिकृत भएको हो । उक्त शेयर आइजीआई’ सिम्बोलबाट सूचिकृत भएको छ ।
कम्पनीको अंकित मूल्य १०० रुपैयाँ दरका कुल ३ करोड २ लाख ९३ हजार ३४६ दशमलव ३९ कित्ता शेयर सूचिकृत भएको हो । धितोपत्र सूचिकरण विनियमावली, २०७५ बमोजिम नेप्सेमा कारोबार हुनका लागि संलग्न संझौता बमोजिमका शर्तहरु पालना गर्ने गरी जेठ १८ गते आइजीआई प्रुडेन्सियल इन्स्योरेन्सको शेयर सूचिकृत भएको हो । अब उक्त शेयर आइतबारदेखि दोस्रो बजारमा कारोबार हुनेछ ।