काठमाण्डाै‌। एशियन लाईफ इन्स्याेरेन्सले पनि गत आर्थिक वर्ष २०७८।७९ काे बीमालेख बाेनश दर सार्वजनिक गरेकाे छ । नेपाल बीमा प्राधिकरणबाट आव २०७८।७९ काे बीमा‌ंकी मूल्यांकन प्रतिवेदन स्वीकृत भएपछि कम्पनीले स्वीकृत बाेनश दर सार्वजनिक गरेकाे हाे । कम्पनीले अघिल्लाे आर्थिक वर्ष २०७७।७८ काे तुलनामा गत आव २०७८।७९ मा बाेनश दरमा सुधार गर्न सफलता पाएकाे छ ।
कम्पनीले प्रकाशन गरेकाे बाेनश तर तालिका अनुसार सावधिक तथा आजीवन बीमालेखमा बीमितले बीमा अवधिकाे आधारमा प्रति हजार बीमा‌ंकमा ६१ रुपैयाँदेखि ७५ रुपैयाँसम्म प्रति वर्ष बाेनश पाउनेछन् । कम्पनीका अनुसार ०देखि १४ वर्ष १५ देखि १९ वर्ष २० देखि २४ वर्ष अवधिकाे बीमालेखका लागी प्रति हजार बीमा‌ंकमा ६१ रूपैयाँ बाेनश दर कायम गरेकाे छ । यसबाहेक २५ वर्ष वा साेभन्दा बढी अवधिका लागी ७५ रूपैयाँ बाेनश दर घाेषणा गरेकाे छ। आव २०७७।७८ मा सावधिक तथा आजीवन बीमा याेजनाकाे बाेनश दर न्यूनत्तम ५० रुपैयाँदेखि अधिकत्तम ७५ रुपैयाँसम्म थियाे । कम्पनीले आजीवन बीमा याेजना अन्तर्गतकाे बाेनश दरमा आव २०७७।७८ काे तुलनामा गत आवमा सुधार गरेकाे छ।
यसैगरी सावधिक बीमालेखमा न्यूनत्तम ४५ रूपैयाँदेखि अधिकत्तम ६० रूपैयाँसम्म बाेनश दर कायम गरेकाे छ । १४ वर्षसम्मका लागी प्रति वर्ष ४५ रूपैयाँ, १५ देखि १९ वर्षे अवधिका लागी  ५० रूपैयाँ, २० देखि २४ वर्षे अवधिका लागी ५५ रूपैयाँ र २५ वर्ष वा साे भन्दा बढी अवधिका लागी ६० रूपैयाँ बाेनश दर कायम गरिएकाे कम्पनीले प्रकाशन गरेकाे सूचनामा उल्लेख छ । सावधिक बीमालेखमा आव २०७७।७८ काे घाेषित बाेनश दर ४० रुपैयाँदेखि ६० रुपैयाँसम्म थियाे । सावधिक बीमालेखकाे बाेनश दर पनि अघिल्लाे आवकाे तुलनामा गत आवमा केही सुधार देखिएकाे छ।
बालबालिकाकाे सावधिक बीमा याेजनामा ४४ देखि ६० रूपैयाँ बाेनश दर घाेषणा गरेकाे छ । कम्पनीले १४ वर्षसम्मका लागी प्रति वर्ष ४४ रूपैयाँ, १५ देखि १९ वर्षे अवधिका लागी  ५० रूपैयाँ, २० देखि २४ वर्षे अवधिका लागी ५३ रूपैयाँ र २५ वर्ष वा साे भन्दा बढी अवधिका लागी ६० रूपैयाँ बाेनश दर घाेषणा गरेकाे छ ।यसअघि बीमितले आव २०७७७८ मा बालबालिकाकाे सावधिक जीवन बीमा याेजना अन्तर्गत ४० देखि ६० रुपैयाँ बाेनश पाएका थिए । बालबालिकाकाे सावधिक बीमा याेजनामा पनि कम्पनीले बाेनश दरमा केही सुधार गरेकाे छ।