२१ साउन, २०७७
काठमाडौं । बीमा समितिले सहुलियतपूर्ण कोरोना बीमा सुरुवात गरेको छ । बीमा समितिका अध्यक्ष चिरञ्जीवी चापागाईं, कार्यकारी निर्देशक राजुरमण पौडेल, बीमा समितिका सल्लाहकार भोजराज शर्मा तथा नेपाल बीमक संघको पदाधिकारीहरुको उपस्थितिमा पत्रकार सम्मेलनको आयोजना गरी सहुलियतपूर्ण कोरोना बीमाको औपचारिक रुपमा सुरुवात गरेको हो । आजबाट औपचारिक रुपमा सुरु भएको सहुलियतपूर्ण कोरोना बीमामा संस्थागत रुपमा कोरोना बीमा गर्दा ५० प्रतिशत अनुदान नपाइने भएको छ ।
बीमा समितिका अध्यक्ष चिरञ्जीवी चापागार्इंले भने, ‘सरकारले अनुदान दिने भनेको प्राकृतिक व्यक्तिले स्वयमको कोरोना बीमा गर्दा मात्रै हो, यदि कुनै संस्थाले आफ्ना कर्मचारीहरुको सामूहिक रुपमा कोरोना बीमा गर्न चाहेमा अनुदान उपलब्ध हुँदैन ।’ सुरु गरिएको सहुलियतपूर्ण कोरोना बीमाको जोखिम बहन असार मसान्तसम्म हुनेछ । बीमा समितिका अनुसार सहुलियतपूर्ण बीमालेख बाहेकका शुल्क तिरेर गरिने संस्थागत बीमालेख भने चैत्र मसान्तसम्मको मात्रै अवधि तोकिएको छ ।
कोरोना भाइरस संक्रमणपछिको नयाँ व्यवस्थाअनुसार कोरोना बीमा गर्दा स्थानीय निकायले तीनवटा कुराहरु प्रमाणित गर्नुपर्ने हुँदा झन्झटिलो भने हुनेछ । सहुलियतपूर्ण कोरोना बीमाको लागि एकाघरको सम्पूर्ण सदस्यहरुको स्थानीय तहले प्रमाणित गरेको कागजात, एकाघरका परिवारको नाम तथा उमेर खुल्ने सम्बन्धित स्थानीय निकायले गरेको प्रमाणित कागजात र विगत ३० दिनदेखि नेपालमै बसोबास गरेको भन्दै स्थानीय निकायले प्रमाणित गरेको काजगात भएपछि मात्रै कोरोना बीमा हुनसक्नेछ ।
पत्रकार सम्मेलनमा बीमा समितिले बीमा कम्पनीहरुलाई ध्यानाकर्षण गराउँदै अनुदानको लागि कोरोना बीमा दाबी गर्दा आवश्यक सम्पूर्ण प्रक्रिया नपु¥याई कोरोना बीमा दावी गरिएको अवस्थामा सो बीमा पोलिसीको अनुदान प्राप्त नहुने र त्यस्तो अवस्थाबाट बीमा गराउने कम्पनीबाटै शोधभर्ना तिर्नुपर्ने बताइएको छ ।
संस्थागत कोरोना बीमामा अनुदान नपाइने
आर्थिकसंसार संवाददाता
- क्रेष्ट माइक्रो लाइफले आईपीओ निष्काशन गर्ने, बिक्री प्रबन्धकमा एनआईएमबी एस क्यापिटल
- गुहेश्वरी मर्चेण्ट बैंकिङ्ग एण्ड फाइनान्सले सुरु गर्यो क्यूआर टेलर
- प्रभु बैंकमा दुई सञ्चालक नियुक्त
- एभरेष्ट बैंकद्वारा पकडी कपिलवस्तुमा चौथो एक्स्टेन्सन काउन्टर उद्घाटन
- बीमा दाबी भुक्तानी छिटोछरितो बनाउनुपर्ने
- कोशी प्रदेशस्थित जीवन बीमकका कर्मचारीलाई बीमा सम्बन्धी एक दिने तालिम प्रदान
- लुम्बिनी विकास बैंकले नेपाल रेडक्रस सोसाइटीलाई दियो प्रयोगशाला उपकरण
- आइएमई ग्रुपले इन्डोनेसियाको पिटी पिएलएन नुसन्तरासँग ऊर्जा परियोजना विकासमा साझेदारी गर्ने
- जीवन बीमाका लागि अभिकर्ता घरदैलो धाएपनि कृषि बीमाका लागि अभिकर्ता भेट्न मुश्किल भएको गुनासो
- हिमालयन लघुवित्तको नाफा ७३ प्रतिशतले बढ्यो, प्रतिशेयर आम्दानी कति ?