काठमाडौं । स्वाबलम्बन लघुवित्त वित्तीय संस्थाको मुनाफा २७.४२ प्रतिशलते बढेको छ । संस्थाले चालु आर्थिक वर्षको दोस्रो त्रैमाशिक अवधिमा २३ करोड ५१ लाख रुपैयाँ मुनाफा आर्जन गरेको छ । संस्थाले गत वर्षको यही अवधिमा १८ करोड ४५ लाख रुपैयाँ मुनाफा आर्जन गरेको थियो ।
संस्थाले समीक्षा अवधिमा खुद व्याज आम्दानी २०.६६ प्रतिशतले बढाएर ७६ करोड ६२ लाख रुपैयाँ आर्जन गरेको छ । दोस्रो त्रैमाशिक अवधिमा ५ अर्ब ४३ करोड रुपैयाँ बरोइङ तथा ११ अर्ब २६ करोड रुपैयाँ निक्षेप संकलन गरी १८ अर्ब ९६ करोड रुपैयाँ कर्जा लगानी गरेको छ ।
खराव कर्जामा ह्वातै बृद्धि भएको छ । पुस मसान्तसम्ममा संस्थाको खराव कर्जा ७.२६ प्रतिशत रहेको छ । गत वर्षको यही अवधिमा ४.०२ प्रतिशत थियो ।
संस्थाको चुक्ता पुँजी एक अर्ब १२ करोड रुपैयाँ छ भने जगेडा कोषमा एक अर्ब ८० करोड रुपैयाँ जम्मा भएको छ । प्रतिशेयर आम्दानी ३१ रुपैयाँ रहेको छ ।