काठमाडौं । हिमालयन बैंक लि. गल्फ प्रतियोगिता–२०२२ हालै रोयल नेपाल गल्फ कोर्स, त्रिभुवन अन्तर्राष्ट्रिय विमानस्थलमा २०७८ साल पौष २३ देखि २४ गतेसम्म सु–सम्पन्न भएको छ । स्टेबल फोर्ड ३/४ ह्यान्डिक्याप विधामा संचालन भएको उक्त प्रतियोगितामा एआइजी. हरिबहादुर पाल ४० अंकका साथ प्रथम भई ट्रफी जित्न सफल हुनुभएको छ भने ३७ अंकका साथ मेजर जेनेरल विजय मोक्तनले दोस्रो पुरस्कार हात पार्न सफल हुनुभएको छ ।
यसैगरी महिला तर्फबाट श्रीमती तारा कार्की चित्रकार ३७ अंकका साथ प्रथम हुनुभएको छ भने सिनियर तर्फको उपाधि मेजर जनरल कमलसिंह प्रधानले ३४ अंकसहित जित्न सफल हुनुभएको छ । विभिन्न विधामा सम्पन्न भएको उक्त प्रतियोगितामा हिमालयन बैंक परिवारका तर्फबाट जयन्द्र विक्रम शाहले ३१ अंकका साथ उपाधि जित्न सफल हुनुभएको छ ।
यसरी नै पुरुष जुनियर तर्फबाट टासी शेर्पाले २५ अंकका साथ विजयी हुन सफल हुनुहुँदा महिला जुनियरको उपाधि सुश्री अन्भद्या मल्लले १८ अंकका साथ जित्न सफल हुनुभएको छ । यसैगरी जुनियर लंगेष्ट ड्राइभको उपाधि जयविर आचार्यले जित्नु हुँदा जुनियर क्लोजेष्ट टु द पीन इदान्त सिंह साउडले जिते ।
बैंकले आयोजना गरेको उक्त प्रतियोगितामा विभिन्न क्षेत्रका प्रतिष्ठित व्यक्तिहरुको सहभागिता थियो । पुरस्कार वितरण समारोहमा बैंकका अध्यक्ष, प्रमुख कार्यकारी अधिकृत त्था सञ्चालक विजयबहादुर श्रेष्ठले बैंकले विगतदेखि नै देशमा गल्फलगायत अन्य खेलकुदको विकास र प्रवद्र्धनमा योगदान प्रदान गर्दै आएको र भविष्यमा पनि गरिरहने बताउनुभएको थियो ।
उक्त प्रतियोगितामा हिमालयन बैंकका अध्यक्ष प्रचण्डबहादुर श्रेष्ठ, सञ्चालक विजयबहादुर श्रेष्ठ, प्रमुख कार्यकारी अधिकृत अशोक शम्शेर राणा, महाप्रबन्धक अनुप मास्केलगायत अन्य वरिष्ठ पदाधिकारीहरुसहित समाजका प्रतिष्ठित व्यक्तित्वहरु र प्रतिष्ठित व्यवसायिक छवि भएका व्यक्तिहरुको उपस्थिति रहेको समेत बैंकद्वारा जारी विज्ञप्तिमा उल्लेख छ ।
हिमालयन बैंक लि. गल्फ प्रतियोगिता २०२२ सम्पन्न
आर्थीकसंसार संवाददाता२५ पुष, २०७८
२५ पुष, २०७८- क्रेष्ट माइक्रो लाइफले आईपीओ निष्काशन गर्ने, बिक्री प्रबन्धकमा एनआईएमबी एस क्यापिटल
- गुहेश्वरी मर्चेण्ट बैंकिङ्ग एण्ड फाइनान्सले सुरु गर्यो क्यूआर टेलर
- एभरेष्ट बैंकद्वारा पकडी कपिलवस्तुमा चौथो एक्स्टेन्सन काउन्टर उद्घाटन
- प्रभु बैंकमा दुई सञ्चालक नियुक्त
- बीमा दाबी भुक्तानी छिटोछरितो बनाउनुपर्ने
- लुम्बिनी विकास बैंकले नेपाल रेडक्रस सोसाइटीलाई दियो प्रयोगशाला उपकरण
- कोशी प्रदेशस्थित जीवन बीमकका कर्मचारीलाई बीमा सम्बन्धी एक दिने तालिम प्रदान
- आइएमई ग्रुपले इन्डोनेसियाको पिटी पिएलएन नुसन्तरासँग ऊर्जा परियोजना विकासमा साझेदारी गर्ने
- हिमालयन लघुवित्तको नाफा ७३ प्रतिशतले बढ्यो, प्रतिशेयर आम्दानी कति ?
- जीवन बीमाका लागि अभिकर्ता घरदैलो धाएपनि कृषि बीमाका लागि अभिकर्ता भेट्न मुश्किल भएको गुनासो