१७ चैत्र, २०८१काठमाडौं । ज्योति विकास बैंकले सुदूरपश्चिम प्रदेशका दुर्गम स्थानहरूमा नवजात शिशुको जीवनरक्षा गर्ने उद्देश्यले बेबी वार्मर (न्यानो नानी) मेसिन प्रदान गरेको छ । यसले सुदूरपश्चिमका अति दुर्गम चार स्थानमा प्रसुति सेवामा सुधार ल्याउने काम गरेको छ ।
बैंकले बैतडी जिल्लाको दोगडाकेदार गाउँपालिका स्थित श्रीकोट हेल्थ पोस्ट, दार्चुला जिल्लाका शर्मौली हेल्थ पोस्ट र सौगन्ना आधारभूत स्वास्थ्य केन्द्र, र बाजुरा जिल्लाको ब्रह्मटोल हेल्थ पोस्टमा बेबी वार्मर जडान गरेको हो ।
ज्योति विकास बैंकले आफ्नो संस्थागत सामाजिक उत्तरदायित्व अन्तर्गत हाम्रो विकास प्रवर्द्धन कोषमार्फत यो योगदान गरेको हो । यस बैंकले हालसम्म देशभर ५९ वटा बेबी वार्मर मेसिनहरू वितरण गर्दै करिब १० हजार ३२५ भन्दा बढी शिशुहरूको जीवन रक्षामा योगदान पुर्याएको छ ।
बैंकले अस्पतालका कर्मचारीहरूलाई बेबी वार्मरको सञ्चालन सम्बन्धी तालिम पनि प्रदान गरेको छ । जसले दुर्गम क्षेत्रका स्वास्थ्य सेवामा थप सहजता ल्याउने विश्वास व्यक्त गरेको छ ।