१८ जेठ, २०८२काठमाडौं । कर्णाली डेभलपमेन्ट बैंकका पूर्वअध्यक्ष तथा पूर्व प्रमुख कार्यकारी अधिकृत (सीईओ) राजेन्द्रवीर राय पक्राउ परेका छन् । २ अर्ब ५० करोड रुपैयाँ भन्दा बढी रकम हिनामिना गरेको आरोपमा सीईओ राय पक्राउ परेका हुन् ।
बैंकको सीईओ तथा अध्यक्ष पदमा रही बचतकर्ताहरूरूो रकम हिनामिना गरेको आरोपमा नेपाल प्रहरीको केन्द्रीय अनुसन्धान ब्यूरो (सीआईबी)ले पक्राउ गरेको प्रवक्ता एवं सूचना अधिकारी युवराज खड्काले जानकारी दिए ।
उनीमाथि बैंकिङ कसुर तथा सजाय ऐन, २०६४ अन्तर्गतको कसूरमा नेपाल राष्ट्र बैंकको समन्वयमा थप अनुसन्धान कार्य भइरहेको उनले बताए ।
रायलाई रुपन्देही सिद्धार्थनगरपालिका-१ बेलहियाबाट जेठ १७ गते पक्राउ गरिएको हो ।
२०६० सालमा खुलेको कर्णाली विकास बैंकका संस्थापक अध्यक्ष राय ०७६ देखि ०७९सम्म सीईओका रुपमा कार्यरत थिए। उनले लामो समय सञ्चालक समिति अध्यक्ष भएर पनि काम गरे ।
उनी बाँकेका स्थायी बासिन्दा हुन्। यो प्रकरणमा पूर्वसीईओ दिनेशकुमार रावत, पूर्व वित्त विभाग प्रमुख वेदप्रकाश ठकुरी र हालका सिईओ तथा वित्त विभाग प्रमुख निरजविक्रम शाहसमेत अनुसन्धानको दायरामा तानिएको बुझिएको छ ।
