काठमाडौं । सञ्चार क्षेत्रमा प्रभावशाली भूमिकासहितको विज्ञापन बोर्ड सदस्यमा सोमबार ५ सञ्चारकर्मी नियुक्त भएका छन् । सञ्चारकर्मीहरु महेन्द्रबहादुर शेरचन, शुभशंकर कँडेल, बलराम थापा, चन्द्र न्यौपाने र बन्दना दनुवार बोर्डका सदस्यमा नियुक्त भएका छन् ।
सञ्चार तथा सूचना प्रविधि मन्त्रालयले सञ्चारकर्मीहरु राजधानी दैनिक प्रकाशनका अध्यक्ष महेन्द्रबहादुर शेरचन, नेपाल मिडिया सोसाइटीका अध्यक्ष तथा एवीसी टेलिभिजनका प्रधान सम्पादक शुभशंकर कँडेल, वरिष्ठ सञ्चारकर्मी तथा मूलप्रवाह मासिकका प्रकाशक÷सम्पादक बलराम थापा, ब्रोडकास्टिङ एशोसिएसनका अफ नेपालका (बान)का अध्यक्ष चन्द्र न्यौपाने र सामुदायिक रेडियो प्रशारक संघ (एको¥याव)का बन्दना दनुवारलाई सोमबार मन्त्रालयमा आयोजित एक कार्यक्रममा बोर्डका सदस्यमा नियुक्त गरेको हो । सरकारले गरेको यो नियुक्तका साथै विज्ञापन बोर्डलाई पूर्णता मिलेको छ ।
सरकारका प्रवक्ता एवं सञ्चारमन्त्री पार्वत गुरुङले सोमबार सञ्चारमन्त्रालयमा एक कार्यक्रम आयोजित गरी नवनियुक्त सदस्यहरुलाई बोर्ड सदस्यमा नियुक्ति गरिएको सरकारको पत्र हस्तान्तरण गर्दै सफल कार्यकालको शुभकामना दिएका थिए । बोर्डको अध्यक्षमा सञ्चार मन्त्रालयका सह–सचिव डिल्लीराम शर्मालाई सरकारले यसअघि नै नियुक्ति तोकेको थियो ।
यसैबीच सञ्चारमन्त्री तथा सञ्चारसचिवको उपस्थितिमा बोर्डका नवनियुक्त पदाधिकारीहरुको पहिलो बैठक सोमवार सञ्चारमन्त्रालयमा बसेको थियो । बैठकले यही मंसिर २२ गते बसेर विज्ञापन ऐन २०७६ ले दिएको कार्यादेशअनुरुप आवश्यक अध्ययन तथा अन्य कारवाही अघि बढाउने निणर्य गरेको बोर्डका अध्यक्ष डिल्लीराम शर्माले बताउनुभयो । विज्ञापन ऐन २०७६ ले विज्ञापन बोर्डमार्फत् स्वदेश तथा विदेशबाट नेपालमा प्रकाशन र प्रशारण हुने विज्ञापनको लागि आवश्यक नीति–नियम निर्माण गर्ने र नियमन गर्ने दायित्व दिएको छ ।
विज्ञापन बोर्ड सदस्यमा पाँच सञ्चारकर्मी नियुक्त
आर्थिकसंसार संवाददाता१५ मंसिर, २०७७
१५ मंसिर, २०७७- एन्जल लर्ड हाइ स्कुलको सांस्कृतिक तथा सर्वोत्कृष्ट विद्यार्थीहरुको सम्मान कार्यक्रम सम्पन्न
- कुमारी बैंकद्वारा देशभरका ५४ सय सहभागिलाई वित्तीय साक्षरता प्रदान
- प्रभु बैंकले बागलुङ नगरका छोरीहरूको खाता खोल्ने, पालिकाले ५ हजार जम्मा गर्ने
- आगामी आर्थिक वर्षको बजेटको सिलिङ बढे पनि ५७ अर्ब बजेट घटेको छ : उपाध्यक्ष श्रेष्ठ
- ग्लोबल आइएमई बैंक र अलोइबीच ग्रिन फाइनान्सिङ प्रवर्द्धनका लागि समझदारी
- सिटिजन्स बैंकले संचालन गर्यो निःशुल्क स्वास्थ्य शिविर
- नेरूडे मिर्मिरे लघुवित्तद्वारा बीमा वापत ५ लाख ७१ हजार भुक्तानी
- गोर्खाज फाइनान्सको ६२ हजार कित्ता शेयर बिक्रीमा, प्रतिकित्ता रु. १५०
- स्वस्तिक लघुवित्तले सञ्चालन गर्यो निःशूल्क स्वास्थ्य शिविर
- रिलायबल नेपाल लाइफद्वारा दुई परिवारलाई मृत्यु दाबी वापतको रकम हस्तान्तरण