काठमाडौं । प्रधानमन्त्री केपी शर्मा ओलीले पूर्व अर्थमन्त्री एवम् प्रधानमन्त्रीका विशेष आर्थिक सल्लाहकार डा. युवराज खतिवडालाई अमेरिकाका लागि राजदूत बनाउने निर्णय गरेका छन् । बिहीबार मात्रै सरकारले तत्कालिन अर्थमन्त्रीसमेत रहेका प्रधानमन्त्रीका विशेष आर्थिक सल्लाहकार डा.युवराज खतिवडालाई अमेरिकाका लागि नेपाली राजदूतमा नियुक्तिका लागि सिफारिस गरेको हो ।
प्रधानमन्त्री केपी ओलीले भदौ ३० गते डा. खतिवडालाई मन्त्रिसरहको सुविधा पाउने गरी आफ्नो विशेष आर्थिक सल्लाहकारमा नियुक्त गरेका थिए । त्यसलगत्तै १५ दिन पनि बित्न नपाउँदै बिहीबार डा. खतिवडालाई अमेरिकाका लागि राजदूत बनाउने निर्णय प्रधानमन्त्री ओलीले गरेका छन् । यो खतिवडाले आठौंपटक पाएको राजनीतिक नियुक्ति हो । यस्तो सौभाग्य नेपाली राजनीतिमा सायद कमैले पाउने गरेको छ ।
स्मरणरहोस् राष्ट्रियसभा सदस्यको पदावधि सकिएको ६ महिनाभन्दा बढी अर्थमन्त्री बन्न नपाउने भएकाले भदौ १९ गते खतिवडाले अर्थमन्त्रीबाट राजीनामा दिए थिए ।
डा. खतिवडा अमेरिकाका लागि राजदूत हुने भएपछि उनी प्रधानमन्त्रीको आर्थिक सल्लाहकार रहने छैनन् । अमेरिकामा लामो समय राजदूत पद रिक्त रहँदै आएको छ । सरकारले पदावधि सकिएका अर्जुन कार्कीको म्याद थपेर कामचलाउ राजदूत बनाएको थियो । प्रधानमन्त्री ओलीले डा. खतिवडालाई अमेरिकाको लागि राजदूत सिफारिस भएपछि आगामी दिनमा एमसीसीलगायतका अमेरिकी सहयोगहरुको पहल सहज हुनसक्ने अड्कलबाजी विभिन्न राजनीतिक वृत्तमा चल्न थालेको छ । त्यसो त डा. खतिवडा एमसीसी सहयोगलाई संसदले अनुमोदन गर्नुपर्छ भन्ने लाइनमा पहिलेदेखि नै प्रष्ट छन् । साथै, उनी पश्चिमा दाताहरुले पत्याएका व्यक्ति मानिन्छन् । आगामी दिनमा एमसीसी संसदले अनुमोदन गर्छ या गर्दैमा त्यो भने हेर्न बाँकी नै छ ।
डा. युवराज खतिवडा अमेरिकाका लागि नेपाली राजदूतमा नियुक्तिका लागि सिफारिस
आर्थिकसंसार संवाददाता१५ असोज, २०७७
१५ असोज, २०७७- एन्जल लर्ड हाइ स्कुलको सांस्कृतिक तथा सर्वोत्कृष्ट विद्यार्थीहरुको सम्मान कार्यक्रम सम्पन्न
- कुमारी बैंकद्वारा देशभरका ५४ सय सहभागिलाई वित्तीय साक्षरता प्रदान
- प्रभु बैंकले बागलुङ नगरका छोरीहरूको खाता खोल्ने, पालिकाले ५ हजार जम्मा गर्ने
- आगामी आर्थिक वर्षको बजेटको सिलिङ बढे पनि ५७ अर्ब बजेट घटेको छ : उपाध्यक्ष श्रेष्ठ
- नेरूडे मिर्मिरे लघुवित्तद्वारा बीमा वापत ५ लाख ७१ हजार भुक्तानी
- ग्लोबल आइएमई बैंक र अलोइबीच ग्रिन फाइनान्सिङ प्रवर्द्धनका लागि समझदारी
- गोर्खाज फाइनान्सको ६२ हजार कित्ता शेयर बिक्रीमा, प्रतिकित्ता रु. १५०
- सिटिजन्स बैंकले संचालन गर्यो निःशुल्क स्वास्थ्य शिविर
- स्वस्तिक लघुवित्तले सञ्चालन गर्यो निःशूल्क स्वास्थ्य शिविर
- रिलायबल नेपाल लाइफद्वारा दुई परिवारलाई मृत्यु दाबी वापतको रकम हस्तान्तरण